MAITIM BA ANG KILI KILI NIYO...

MAITIM BA ANG KILI KILI NIYO? ITO ANG LUNAS! By: Doc Willie Ong

Maraming dahilan ng pag-itim ng kili-kili.

  1. Ang mga taong may diabetes ay puwedeng mangitim ang kili-kili. Gamutin ang diabetes para mabawasan ang pag-itim.
  2. Puwede namana sa magulang. May mga tao na maitim ang kulay ng balat, kasama ang kili-kili.
  3. Ang sobrang pag-kuskos ng kili-kili at paggamit ng nakaka-iritang deodorant ay puwedeng magpa-itim ng kili-kili.
  4. Ang sobrang pag-bunot o pag-ahit ng buhok ng kili-kili ay puwede magdulot ng impeksyon at pigsa. Dahil dito, puwedeng mag-bukul-bukol ang kili-kili.
  5. Huwag magsuot ng masikip na baro dahil magki-kiskis ang kili-kili sa baro.
  6. Magpapayat din dahil kapag malaki ang ating braso, gagasgas at maiipit din ang balat ng kili-kili.

Ayon sa dermatologists, heto ang napatunayang paraan para pumuti ang kili-kili:

  1. Puwede gumamit ng “gentle cleanser” at tuwalya at dahan-dahang kuskusin ang kili-kili. Dahan-dahan lang para matanggal ang “dead skin cells” o matigas na balat. Huwag sosobrahan ang pag-kuskos at baka lalo umitim ang kili-kili.
  2. Puwede gumamit ng moisturizer at oils para lumambot and balat.
  3. Ayon sa dermatologists, puwede naman ang honey bilang panlinis. Ngunit mag-iingat sa paggamit ng kalamansi at lemon, dahil puwede ito makasugat sa balat kapag nasobrahan.
  4. May nire-reseta ang doktor na cream, ang tawag ay tretinoin (Retin-A) na puwedeng magpa-puti ng balat. Kumonsulta sa doktor.
  5. Sa mga department store, puwede bumili ng alcohol-free deodorant.

May mga home remedies na posibleng makatulong, pero hindi pa ito tiyak:

  1. Baking soda – Ihalo ang baking soda sa konting tubig. Ipahid ito sa kili-kili para bahagyang matanggal ang dead skin cells.
  2. Pipino – Pigain ang katas ng pipino at ilagay ito sa kili-kili. Iwan ng 30 minutos.
  3. Lemon o kalamansi – Ihalo ang katas nito sa 2 kutsara ng tubig para mabawasan ang pagiging matapang o acidic nito. Iwan ang katas ng 10-15 minuto at hugasan ito. Gawin ng 2 beses bawat linggo.
  4. Coconut oil – May taglay na vitamin E ang coconut oil. I-masahe ang coconut oil sa kili-kili. Iwan ng 10-15 minuto. Hugasan ng tubig at mild soap. Gawin 2 beses sa maghapon.

Tandaan: Ang mga lunas na ito ay hindi 100% epektibo. Maghihintay pa ng mga 6 linggo bago magkaroon ng konting pagbabago.

Kumonsulta sa dermatologist para sa inyong katanungan.

Tumugon sa hibla na ito

Ang site na ito ay gumagamit ng mga cookies at iba pang mga teknolohiya sa pagsubaybay upang makilala ang pagkakaiba sa pagitan ng mga indibidwal na computer, personalized na service settings, analytical at statistical na layunin, at pagpapasadya ng nilalaman at paghahatid ng ad. Maaaring naglalaman ang site na ito ng mga third-party cookies. Kung patuloy mong gagamitin ang site, ipinapalagay namin na tumutugma ito sa kasalukuyang mga setting, ngunit maaari mo itong baguhin anumang oras. Higit pang impormasyon dito: Patakaran sa Pagkapribado at Cookie